ASSIGNMENT-9,

 ಸದರಿ ಮನೆಯಿ0ದ ಕೆಲಸದಡಿಯಲ್ಲಿ ನಮ್ಮ ವೃತ್ತಿನೈಪುಣ್ಯತೆ ಹೆಚ್ಚಿಸಿಕೊ0ಡ ಕುರಿತ ಬರಹ                                                             (400 ಪದಗಳು)

           ಕಲಿಕೆ ಎನ್ನುವುದು ನಿಂತ ನೀರಲ್ಲ. ಅದು ಹರಿಯುವ ನೀರಿದ್ದಂತೆ. ಹಾಗೆಯೇ ವಿದ್ಯೆ ಎಂಬುದು

 ಎಂದಿಗೂ ಮುಗಿಯದ ಅಧ್ಯಾಯ, ಅದೊಂದು ನಿರಂತರ ಪ್ರಕ್ರಿಯೆ ಎನ್ನುವ ನುಡಿಯು ಕಲಿಕೆಯ ಮಹತ್ವವನ್ನು  ಸಾರುತ್ತದೆ. ಶಿಕ್ಷಕ ಯಾವಾಗಲೂ  ಸಮಾಜವನ್ನು ತಿದ್ದುವ, ದೇಶವನ್ನು ಕಟ್ಟುವ ನಿರ್ಮಾತೃ, ಇಂತಹ ಶಿಕ್ಷಕನ ಕಲಿಕೆಯು ಕ್ಷಣಿಕವಾಗಿ ನಿಂತರೆ ಮುಂದಿನ ಪರಿಸ್ಥಿತಿಯನ್ನು ಊಹಿಸಲು ಸಾಧ್ಯವಿಲ್ಲ. ಹಾಗಾಗಿ “ಒಬ್ಬ ಉತ್ತಮ ಶಿಕ್ಷಕ ಯಾವಾಗಲೂ  ವಿದ್ಯಾರ್ಥಿಯಾಗಿರುತ್ತಾನೆ” ಎಂಬ ಮಾತನ್ನು ಕೇಳಿದ್ದೇವೆ.

               ಈ ಸಂಬಂಧ ಯುನೆಸ್ಕೋದ ಮಾಜಿ ನಿರ್ದೇಶಕರಾದ ಐರಿನ್ ಬೊಕೊವಾರ್ ಅವರು “ಗುಣಾತ್ಮಾಕ ಶಿಕ್ಷಣಕ್ಕೆ ಸಂಬಂಧಿಸಿದಂತೆ  ಶಿಕ್ಷಕರಿಗಿರುವ ವೃತ್ತಿಯ ನೈಪುಣ್ಯತೆಯ ಜ್ಞಾನ ಮತ್ತು ಕೌಶಲ್ಯ ಅತ್ಯಂತ ಮಹತ್ವದ್ದಾಗಿದೆ” ಎಂದಿದ್ದಾರೆ. ಮೇಲಿನ ಮಾತು ಅಕ್ಷರಶ: ಸತ್ಯ. ಒಂದು ದೇಶದ ಶಿಕ್ಷಣ ವ್ಯವಸ್ಥೆಯ ಗುಣಮಟ್ಟ ಅಲ್ಲಿನ ಗುಣಮಟ್ಟಕ್ಕಿಂತಲೂ ಹೆಚ್ಚಿರಲಾರದು. ಶಿಕ್ಷಕರ ಸೇವಾಪೂರ್ವ & ಸೇವಾ ನಿರತ ಶಿಕ್ಷಣ ತರಬೇತಿ ಮತ್ತು ಕೆಲಸ ನಿರ್ವಹಣೆಯ ಪರಿಸ್ಥಿತಿಯ & ವಸ್ತುಸ್ಥಿತಿ ಇತ್ಯಾದಿ. ವಿಷಯಗಳು ಶಿಕ್ಷಣಗಳು ಒಟ್ಟು ಗುಣಾತ್ಮಕತೆಯ ಮೇಲೆ ಪ್ರಭಾವ ಬೀರುವ  ಮಹತ್ವದ ಅಂಶಗಳಾಗಿರುತ್ತವೆ.

                  ಯಾವುದೇ  ದೇಶದಲ್ಲಿ ಶಿಕ್ಷಕರಿಗೆ ನೀಡುವ ಶೈಕ್ಷಣಿಕ ಸವಲತ್ತುಗಳನ್ನು & ಅವರನ್ನು ನಡೆಸಿ ಕೊಳ್ಳುವ ರೀತಿ ಶಿಕ್ಷಕರ ಸಾಮಥ್ರ್ಯವನ್ನು ಅಳೆಯುತ್ತದೆ. ಶೈಕ್ಷಣಿಕ ದೂರದೃಷ್ಟಿ ಹೊಂದಿರುವ , ಉತ್ತಮ ವ್ಯವಸ್ಥೆ ಕಲ್ಪಿಸಿದ ದೇಶ ಉತ್ತಮ ಶಿಕ್ಷಣಕ್ಕೆ ಮುನ್ನುಡಿ ಬರೆಯುತ್ತದೆ. ಇದು ಒಂದು ಕಡೆಯಾದರೆ, ಇನ್ನೊಂದು ಕಡೆ ಹಲವಾರು ಅಡೆತಡೆಗಳು/ ಅನಾನುಕೂಲಗಳ ಮಧ್ಯೆ ಶಿಕ್ಷಕ ತನ್ನ ವೃತ್ತಿ ನೈಪುಣ್ಯತೆಯ ಜ್ಞಾನ & ಕೌಶಲವನ್ನು ವೃದ್ಧಿಸಿ ಕೊಂಡು ಗುಣಾತ್ಮಕ ಶಿಕ್ಷಣಕ್ಕೆ ಅಣಿಯಾಗುವುದು ಇಂದು ಶಿಕ್ಷಕರಿಗೆ ಸವಾಲಾಗಿದ.

          ಶೈಕ್ಷಣಿಕ ಕ್ಷೇತ್ರದಲ್ಲಿ ಬದಲಾವಣೆಗಳು ಹೊಸದೇನಲ್ಲ. ಕಲಿಕೆಯಲ್ಲಿ ತೀವ್ರಗತಿಯಲ್ಲಿ ಬದಲಾವಣೆ ತರುವ ನಿಟ್ಟಿನಲ್ಲಿ ಸರ್ಕಾರ ಪ್ರಯತ್ನ ಮಾಡುತ್ತಲೇ ಇರುತ್ತದೆ.ತೀವ್ರ ಆರ್ಥಿಕ ಸಂಪನ್ಮೂಲದ ಹೊಳೆಯನ್ನು ಹರಿಸುತ್ತದೆ. ಕರ್ನಾಟಕದಲ್ಲಿ ಇತ್ತೀಚಿಗೆ ಜಾರಿಗೆ ತಂದ ತಂತ್ರಜ್ಞಾನ ಆಧಾರಿತ ತರಬೇತಿಗಳು ಶಿಕ್ಷಕರನ್ನು ಈಗಿನ ವ್ಯವಸ್ಥೆಗೆ ಅಣಿಗೊಳಿಸಿದೆ.

         ಇಂದು ಕೋವಿಡ್-19 ಪ್ರಪಂಚವನ್ನೇ ಆವರಿಸುವುದರಿಂದ ಎಲ್ಲಾ ಶೈಕ್ಷಣಿಕ ಚಟುವಟಿಕೆಗಳನ್ನು  ಮುನ್ನೆಡಸುವುದು ಸವಾಲಾಗಿ ಪರಿಣಮಿಸಿದೆ.   ಇಂತಹ ಸಂದಿಗ್ಧ ಪರಿಸ್ಥಿತಿಯಲ್ಲಿ ಶಿಕ್ಷಕರು ತಮ್ಮ ವೃತ್ತಿ ನೈಪುಣ್ಯತೆಯನ್ನು  ಹೆಚ್ಚಿಸಿ ಕೊಳ್ಳಲಿಕ್ಕೆ ಈ ಕೆಳಕಂಡ ವಿಧಾನಗಳನ್ನು ಅನುಸರಿಸ ಬೇಕಾದ ಅನಿವಾರ್ಯತೆಯಿದೆ

•      ಪಾಠೋಪಕರಣಗಳ ತಯಾರಿಕೆ:-

         ಶಾಲೆಯಲ್ಲಿ ಶಿಕ್ಷಕರು ಬೋಧನೆಯ ಸಮಯದಲ್ಲಿ ಮಕ್ಕಳಿಗೆ ನೈಜ ಅನುಭವ ಹೊಂದುವ ಒದಗಿಸುವ   ನಿಟ್ಟಿನಲ್ಲಿ ಇಂತಹ ರಜೆಯ ದಿನಗಳಲ್ಲಿ ಬೋಧನೋಪಕರಣಗಳನ್ನು ತಯಾರಿಸಿ ಕೊಳ್ಳಲಿಕ್ಕೆ ಅನುಕೂಲವಾಗಿದೆ.

•      ತಂತ್ರಜ್ಞಾನ ಆಧಾರಿತ ಶಿಕ್ಷಣ ಕಲಿಕೆ:-

       ಕಂಪ್ಯೂಟರ್  ಮೂಲಭೂತ ಪರಿಕಲ್ಪನೆಗಳ ಕಲಿಕೆ ಮೂಲಕ ಶಿಕ್ಷಕರು ವೃತ್ತಿ ನೈಪುಣ್ಯತೆಯನ್ನು ಹೆಚ್ಚಿಸಿ ಕೊಳ್ಳಬಹುದು.

•      ಯೂಟೂಬ್/ ಆನ್ಲೈನ್ ಶೈಕ್ಷಣಿಕ ಕಾರ್ಯಕ್ರಮಗಳ ವೀಕ್ಷಣೆ:-

           ಯೂಟೂಬ್,ದೀಕ್ಷಾ, ಐ ಲರ್ನಿರ್, ಮೇಘ ಯ್ಯಾಪ್ ಮೂಲಕ ಆನ್ಲೈನ್‍ನಲ್ಲಿ ಲಭ್ಯವಿರುವ ಹಲವಾರು   ವಿಷಯಗಳಿಗೆ  ಸಂಬಂಧಿಸಿದ ಶೈಕ್ಷಣಿಕ ಕಾರ್ಯಕ್ರಮಗಳನ್ನು ವೀಕ್ಷಿಸಿ ವೃತ್ತಿ ನೈಪುಣ್ಯತೆಯನ್ನು ಹೆಚ್ಚಿಸಿ ಕೊಳ್ಳ ಬಹುದು. 

  ಉದಾ:- ಪ್ರಯೋಗಗಳು, ಆಕಾಶಕಾಯಗಳ ವೀಕ್ಷಣೆ, ಭೂಮಿ ರಚನೆ,

•      ಆಕರ ಗ್ರಂಥಗಳನ್ನು ಓದುವುದು:-

       ನಾವು ಬೋಧಿಸುವ ವಿಷಯಕ್ಕೆ ಸಂಬಂಧಿಸಿದಂತೆ ಹಲವಾರು ಆಕರ ಗ್ರಂಥಗಳನ್ನು ಗ್ರಂಥಾಲಯಗಳಿಂದ ತಂದು ಓದಿ ವೃತ್ತಿ ನೈಪುಣ್ಯತೆಯನ್ನು ಹೆಚ್ಚಿಸಿ ಕೊಳ್ಳ ಬಹುದು.

  ಉದಾ:-ಪದವಿಯ ಹಲವಾರು ಆಧಾರ ಗ್ರಂಥಗಳು.

•      ಆನ್ಲೈನ್ ತರಬೇತಿ:-

 ಇಲಾಖೆಯ ವತಿಯಿಂದ ನಡೆಯುವ ವೆಬ್ ನಾರ್ ತರಬೇತಿಗಳಲ್ಲಿ ಭಾಗವಹಿಸುವುದು.

 ಉದಾ:- ಮೈಕ್ರೋಸಾಪ್ಟ್ ಟೀಮ್, ಜೂಮ್, ಗೂಗಲ್ ಮೀಟ್

 •      ಸಾಧಕರೊಂದಿಗೆ ಸಂವಾದ:-

     ಜಿಲ್ಲಾ,ರಾಜ್ಯ, ರಾಷ್ಟ್ರ ಮಟ್ಟದ ಉತ್ತಮ ಶಿಕ್ಷಕ ಪ್ರಶಸ್ತಿ ಪಡೆದ ಶಿಕ್ಷಕರನ್ನು ಸಂಪರ್ಕಿಸಿ ಅವರು ತಮ್ಮ ಬೋಧನೆಯಲ್ಲಿ  ಆಳವಡಿಸಿ ಕೊಂಡ ಉತ್ತಮ ಅಂಶಗಳನ್ನು  ನಮ್ಮ ಬೋಧನೆಯಲ್ಲಿ ಆಳವಡಿಸಿ ಕೊಂಡು ವೃತ್ತಿ ನೈಪುಣ್ಯತೆಯನ್ನು ಹೆಚ್ಚಿಸಿ ಕೊಳ್ಳ ಬಹುದು.

 •      ಮಕ್ಕಳೊಂದಿಗೆ ನಿರಂತರ ಸಂಪರ್ಕ ಸಾಧಿಸುವುದು:-

     ವಿದ್ಯಾರ್ಥಿಗಳೊಂದಿಗೆ ಪೋನ್. ವಾಟ್ಸ್ ಯ್ಯಾಪ್ ಮೂಲಕ  ನಿರಂತರ ಸಂವಾದ ಮಾಡುವುದರ ಮೂಲಕ ಅವರ ಕಲಿಕಾ ಸಮಸ್ಯೆಗಳಿಗೆ ಪರಿಹಾರ ನೀಡುವುದರ ಮೂಲಕ ವೃತ್ತಿ ನೈಪುಣ್ಯತೆಯನ್ನು ಹೆಚ್ಚಿಸಿ ಕೊಳ್ಳ ಬಹುದು.

•      ವೃತ್ತ ಪತ್ರಿಕೆಗಳ ಅಧ್ಯಯನ:-

  ನಾವು ದಿನಾಲೂ ಬರುವ ವೃತ್ತ ಪತ್ರಿಕೆಗಳನ್ನು ಓದುವುದರ ಮೂಲಕ ವೃತ್ತಿ ನೈಪುಣ್ಯತೆಯನ್ನು ಹೆಚ್ಚಿಸಿ ಕೊಳ್ಳ ಬಹುದು.

  ದೂರದರ್ಶನ ವೀಕ್ಷಣೆ:-

     ದೂರದರ್ಶನದಲ್ಲಿ ಪ್ರಸಾರವಾಗುವ ಹಲವಾರು ಶೈಕ್ಷಣಿಕ ಕಾರ್ಯಕ್ರಮಗಳನ್ನು ವೀಕ್ಷಿಸಿ ವೃತ್ತಿ       ನೈಪುಣ್ಯತೆಯನ್ನು  ಹೆಚ್ಚಿಸಿ ಕೊಳ್ಳಲಿಕ್ಕೆ ಸಹಾಯಕವಾಗಿದೆ.

ಉದಾ:- ಚಂದನ ಟಿ.ವಿ.ಯಲ್ಲಿ ಬರುವ ಥಟ್ ಅಂತ ಹೇಳಿ ಕಾರ್ಯಕ್ರಮ, ಸೇತುಬಂಧ      ಕಾರ್ಯಕ್ರಮ, ಮಕ್ಕಳ ವಾಣಿ,  ಡಿ.ಎಸ್,ಇ.ಆರ್.ಟಿ. ಜ್ಞಾನ ದೀಪ ಕಾರ್ಯಕ್ರಮ

      ಹೀಗೆ ಹತ್ತು ಹಲವು ಚಟುವಟಿಕೆಗಳನ್ನು  ಶಿಕ್ಷಕರು ಅನುಸರಿಸುವುದರ ಮೂಲಕ ಶೈಕ್ಷಣಿಕ ಕ್ಷೇತ್ರದಲ್ಲಿ ನಿರಂತರವಾಗಿ ಸಕ್ರಿಯರಾಗಿ ತಮ್ಮ ಜ್ಞಾನಾರ್ಜನೆಯನ್ನು ಹೆಚ್ಚಿಸಿ ಕೊಳ್ಳುವುದರ ಮೂಲಕ ವೃತ್ತಿ ನೈಪುಣ್ಯತೆಯನ್ನು ಹೆಚ್ಚಿಸಿ ಕೊಂಡು ಗುಣಾತ್ಮಕ ಶಿಕ್ಷಣದೊಂದಿಗೆ ಒಂದು ಉತ್ತಮ  ದೇಶ ಹಾಗೂ ಉತ್ತಮ ಸಮಾಜದ ನಿರ್ಮಾಣಕ್ಕೆ ಕಾರ್ಯಕರ್ತರಾಗೋಣ.